Младиот Белгиец, Мишу Батшуаји (22), денеска е во Лондон и доколку успешно ги мине медицинските прегледи ќе потпише петгодишен договор со Челзи. Клубот од „Стенфорд Бриџ“ за трансферот на еден од најталентираните европски напаѓачи ќе издвои 40 милиони евра.
Батшуаји беше виден најпрвин во Кристал Палас, а потоа и во Тотенхем, откако двата тима на Олимпик Марсеј му понудија 38 милиони евра за 22-годишниот напаѓач, но откако Челзи сумата за обесштетување ја заокружи на 40 милиони евра, Белгиецот прифати да се пресели на „Стенфорд Бриџ“.
Напаѓачот изминатите две сезони во дресот на Олимпик Марсеј постигна 35 голови на 78 натпревари во сите конкуренции.
Батшуаји, кога трансферот ќе биде официјализиран, ќе стане третото најскапо засилување во историјата на клубот. Челзи повеќе пари има потрошено само на трансферите на Фернандо Торес и Андриј Шевченко.
