Ракомет

Червар: Некому му пречи нашата добра работа

23. ноември 2016 - 8:45 | Макфакс

Вардар го победи Металург 31:29 во СЕХА лигата и дополнително се зацврсти на лидерската позиција на табелата.

Вардар и Металург одиграа квалитетен дуел во СЕХА лигата, иако во меѓусебната пресметка влегоа по исцрпувачките дуели во Лигата на шампионите.

Тренерот на Металург, Лино Червар, му ја честиташе победата на Вардар, но на прес конференцијата се пожали на судењето. Червар е незадоволен од судиските одлуки во второто полувреме и влезе во жестока расправија со делегатот на натпреварот Начевски.

„Честитики до Вардар за победата, им посакувам и многу среќа во Лигата на шампионите. Ние одигравме онолку колку што можевме, бевме уморни, во понеделникот вечерта се вративме од Норвешка. Меѓутоа ме разочара судењето. Ние правиме добра работа, но се чини дека тоа некому му пречи“, рече Червар.

Коментирај