Четири голови и две асистенции забележаа македонските фудбалери кои настапуваат во странство изминатиов викенд.
Албанија
Стружанецот Егзон Белица донесе водство за Партизани на гости кај Фламуртари во 54-тата минута, но само неколку минути подоцна домаќинот се избори за реми. Прв гол сезонава за македонскиот бек.
(на 1:48)
Ерменија
Денис Махмудов во 55-тата минута го постигна победничкиот гол за Пјуник во минималната победа дома над Ширак. Вистински еврогол за Денис, негов петти сезонава.
(на 0:22)
Кипар
Нов гол за Иван Тричковски. Во 13-тата минута со глава му донесе водство на АЕК дома против Докса, а на крајот неговиот тим победи со 2:1. За жал, Тричко се повреди и во 69-тата минута мораше да биде заменет.
(на почеток)
Словачка
Нов гол на Милан Ристовски за Нитра. Овој пат настрада нашиот голман Дејан Илиев чиј тим Серед загуби дома со 0:1 токму благодарение на прекрасниот гол од слободен удар на Ристовски постигнат во 73-тата минута.
Србија
Никола Богдановски во 34-тата минута изнуди пенал за Жарково, а му се запиша како асистенција откако неговиот соиграч успешно го реализираше носејќи водство од 0:2. На крајот неговиот тим победи со 2:4 на гости кај Нови Пазар.
(на 1:46)
Швајцарија
Никола Ѓорѓев запиша нова асистенција, повторно поради одлчично нафрлување. Овој пат му намести гол на Александар Цветковиќ кога нивниот Грасхоперс израмни на гости кај Винтертур. На крајот натпреварот заврши 1:1. Одличлните игри на Ѓорѓев сезонава, 6 асистенции и 5 голови, му донесоа повик во репрезентацијата на Македонија.
(на 2:03)