Две православни цркви во Австралија беа зафатени со пожар на Велигден, а денеска изгоре православната црква Свети Сава во Менхетен, Њујорк. Повеќе од 150 пожарникари го гаснеа пожарот во Њујорк, а во текот на денот избувна пожар и во руски манастир.
Македонската православна црква во сиднејското предградие Рокдејл целосно е уништена, исто како и српската црква во САД. Грчката црква во Мелбурн е оштетена, а гореше и руски манастир.
Големиот пожар во македонската црква предизвика евакуација на жителите на еден дом за стари лица во близина на црквата. Шеесет пожарникари се бореа со пламените неколку часа пред истиот да биде ставен под контрола. Според информациите полесно се повредени четворица, меѓу кои има двајца пожарникари. Причините за пожарот што се случил ноќеска околу 22 часот се непознати. Според Guardian, македонската православна црква во Сиднеј била стара околу 126 години.
Неколку часа порано избило пожар во најстарата православна грчка црква во Мелбурн, а од околните згради евакуирниа биле 200 луѓе, станува збор за црква стара 115 години. Властите во Мелбурн и Сиднеј истражуваат кои се причините за пожарите.
Исто така пожар имаше и во рускиот историски манастир Валаам во северна Русија, а во Њујорк целосно изгоре српската православна црква Свети Сава, изградена во 1850 година.
