Загинаа четворица руски воени советници, кои им помагаа на сириските владини сили, а уште двајца се ранети во експлозија на мина активирана со далечинско управување, соопшти руското Министерство за одбрана.
Автомобилот со руските воени советници бил во состав на конвојот на сириската војска кој се движел од аеродромот Тијас кон градот Хомс. Откако конвојот изминал четири километри, под автомобилот во кој се превезувале руските офицери била активирана експлозивна направа.
Инцидентот се случил на 16 февруари, се додава во соопштението на руското Министерство за одбрана, во кое се додава дека лекарите се борат за животите на двајцата ранети руски војници.
