Lionsgate најави петто продолжение на „John Wick“, уште пред воопшто да излезе четвртиот филм, пренесува Men’s Health.
Акцискиот трилер со Киану Ривс, во главната улога, од премиерното прикажување во 2014 година стекна обожаватели низ светот. Филмовите за Џон Вик го следат немилосрдниот одмаздник кој се осветува за смртта на саканото куче.
Првите три филмови за Џон Вик заработија 600 милиони долари на бокс-офисот. Третото продолжение е објавено во мај, 2019 година и е седмиот најпрофитабилен филм во историјата на компанијата Lionsgate.
Филмот на бокс-офисот заработи 326 милиони долари, што е многу поголема заработка од претходните два филма.
Четвртото продолжение во киносалите пристигнува во мај, 2021 година.