Чувар, вработен во Управата за јавни приходи (УЈП), малтретирал петнаесетгодишно девојче од американската држава Северна Каролина.
Инцидентот го пријавило девојчето заедно со нејзиниот старател М.М (39) вчера вечерта околу 21 часот во полициската станица Центар.
Според нивната пријава, истиот ден во 16.30 часот на улицата „11-ти Октомври“, пред објектот на УЈП, непознато лице – вработено како чувар во УЈП, го малтретирало девојчето на јавно место.
Од страна на полициски службеници бил пронајден сторителот со кого бил извршен разговор, по што против него е поднесена прекршочна пријава за нарушен ред и мир и малтретирање на друго лице на јавно место.
