Компанијата Coca-Cola HBC AG со седиште во Цуг, Швајцарија, почна постапка за аквизиција на српската кондиторска компанија Bambi од фондот Mid Europa Partners, во вредност од 260 милиони евра, пренесува Blic.
Конечната спогодба ќе биде дефинирана низ завршните усогласувања, а аквизацијата ќе подлежи на вообичаените услови и одобрувања на надлежните органи, поради што се очекува процесот да биде завршен во вториот квартал од 2019 година.
„Оваа аквизиција е одлична прилика за создавање дополнителни вредности за нашата компанија, купувачи и акционери. Во нашето актуелно портфолио на водечки брендови на пијалаци ќе ги додадеме комплементарните брендови кои им се добро познати на потрошувачите, како и иновативни вештини и знаења“, изјави извршниот директор на компанијата Coca-Cola HBC AG Зоран Богдановиќ.
Од компанијата исто така додаваат дека значајна вредност на компанијата Bambi е нејзината солидна дистрибутивна мрежа, вклучувајќи разладна дистрибуција во стратешки важни канали.