Аргентинецот Ренцо Оливо ја забележа најголемата победа во кариерата откако во првото коло на Ролан Гарос го елиминира домашниот фаворит Жо-Вилфред Цонга.
Дуелот на Аргентинецот и Цонга се играше два дена бидејќи вчера беше прекинат, и тоа при водство на Оливо 7:5, 6:4, 6:7, 5:4.
Пласман во второто коло Аргентинецот избори денеска, тој успеа да го добие десеттиот гем од четвртиот сет. Во решавачкиот гем Цонга не реализира три топки за брејк, а потоа Оливо со прекрасен форхенд си обезбеди пласман во второто коло.
Противник на Аргентинецот во втората рунда ќе му биде Британецот Кајл Едмунд.
