Москва, 25 септември 2018 (МИА) - Американското Министерство за трговија воведе санкции против 12 руски компании кои, од перспектива на Вашингтон, работат спротивно на интересите на националната безбедност на САД.
На црната листа на американското Министерство за трговија се компаниите „Аерокомпозит", „Нилко груп", „Дајвтехносервис", научно-продукциската компанија „Гама", научно-истражувачкиот институт „Вектор", научно-продукциската компанија „Технологија" - производствената компанија за подводни активности „Океанос", дизајнерското биро „Авиадвигател", групацијата компании „Инфотекс", фирмата „Сајрус Системс", научно-производствената корпорација „Системи за прецизни инструменти" и претпријатието „Вега".
За сите овие фирми ќе важи забраната за извоз на американски производи со двојна намена.
