Познатиот профил на Twitter, Evan Blass, објави фотографија на смартфон кој наводно е претстојниот модел на HTC - One M10. Ако информациите се точни, тоа значи дека на пазарот ќе се појави уште еден уред кој е многу сличен на актуелниот iPhone. Судејќи според фотографијата, новиот телефон, има многу сличности со ланскиот One A9.
Фотографијата открива дел од предниот дел на смартфонот, а забележлива е сличноста со iPhone и недостасува логото на HTC. Сепак, според информациите на Evan Blass, финалниот модел ќе има малку поелегантен изглед.
Претходните извештаи најавија дека HTC One M10 ќе има QHD AMOLED екран со Ultrapixel камера од 12 мегапиксели.
HTC би можел да го претстави новиот смартфон на Mobile World Congress овој месец, кога ќе дебитираат и Samsung Galaxy S7 и LG G5, но постои можност претставувањето да биде и на посебен настан во март.