Двејн Џонсон, Кевин Харт, Карен Гилан и Џек Блек се враќаат во џунглата. Sony го објави првиот трејлер за „Jumanji: The Next Level“, продолжението на хитот од 2017 година „Jumanji: Welcome to the Jungle“.
Во новата авантура екипата се враќа во Џуманџи, но ќе открие дека светот во видеоиграта изгледа малку поразлично. Овојпат, дедовсите на оригиналните играчи (ги играат Дени ДеВито и Дени Гловер) влегуваат во играта под аватарите на Џонсон и Харт.
Џејк Касдан се врати на режисерското столче, а сценариото е на Џеф Пинкер и Скот Розенберг.
„Jumanji: Welcome to the Jungle“ беше базиран на оригиналниот филм од 1995 година со Робин Вилјамс и стана огромен хит на киноблагајните со заработка од 962 милиони долари ширум светот.
„Jumanji: The Next Level“ ќе има премиера на 13 декември.