Темното чоколадо е богато со компоненти кои можат да ви помогнат во одржувањето на здрав живот, но мора да ја знаете правилната доза за да не предизвикате контра-ефекти.
Во темното чоколадо има здрави парчиња какао, кои се нарекуваат флаваноли. Кога флаванолите се конзумираат во големи количества, тие помагаат да се намали крвниот притисок и холестеролот, и да се намали ризикот од дијабетес.
Темното чоколадо содржи најголемо количество флаваноли, млечното чоколадо има помалку, а во белото чоколадо нема воопшто.
Токму флаванолите се одговорни за горчеливиот вкус на темното чоколадо, па затоа преку процесот на обработка фабриките за преработка на чоколадо пробуваат да го отстранат таквиот вкус, притоа отстранувајќи голем дел од ваквите корисни парчиња какао.
„Преработувањето, а особено печењето на зрното, креираат сосем нови вкусови на чоколадото. Но за да се добијат новите вкусови мора да се испечат и корисните минерали од зрното какао, вклучувајќи ги и флаванолите“, истакна Мет Хартингс, асистент-професор на American University.
Затоа, осигурајте се дека чоколадото кое го купувате содржи барем 60% какао, за да конзумирате што е можно повеќе флаваноли.
Пробајте да избегнувате купување на темно чоколадо кое е произведено во Холандија, бидејќи нивниот начин на производство вклучува користење на киселина која ги гори скоро сите флаваноли од зрното, за да се избегне горчливиот вкус.
За крај, дневната препорачана доза на темно чоколадо е околу 30 грама. Се препорачува да се јаде по обилен оброк, но да не се претерува.
