Холандскиот тренер се извини објаснувајќи дека направил лош избор на зборови кога коментираше дека фудбалерките не треба да имаат исти плати како и мажите.
Франк де Бур, кој моментално го тренира тимот на Атланта Јунајтед, завчера изјави дека би било глупост доколку фудбалерките земаат исти плати како и фудбалерите, но тврди дека бил сфатен погрешно.
„Би сакал да ја објаснам мојата изјава дадена за Guardian. Земена во целост, мојата изјава е дека целосно го подджувам женскиот фудбал и се радувам на тоа како се развива низ светот и тука кај нас. Кога станува збор за економскиот фактор, верувам дека како што ќе се зголемува популарноста така ќе се зголемува и профитот па и платите на женските играчи ќе растат. Тоа е нешто што сите сакаме да го видиме. Горд сум што сум дел од клуб кој промовира еднаквост и се извинувам што мојата изјава направи проблеми“, напиша Де Бур на својот Twitter профил.
Инаку, токму холандската женска репрезентација минатиот месец играше финале на женскиот Мундијал каде загуби од Франција.