Играта PokemonGo стана огромен хит во светот, но во Сирија децата ја играат од сосема поинакви и тажни причини. Деновиве се појавија фотографии од деца од Сирија кои држат слики од покемони и бараат од светот да ги спаси. Фотките се појавуваат пет години по граѓанската војна во државата поради која милиони луѓе се бегалци, а стотици илјади го загубија животот.
Пораката на младите момчиња и девојчиња од Сирија е „Тука сум, дојди и спаси ме“, а на сликите се гледа и нивната локација.
Фотографиите се дело на Revolutionary Forces of Syria Media Office која работи на ширење на пораката на Сиријците кои се спротивставуваат на режимот на претседателот Башар Ал-Асад. Идејата им била да привлечат внимание за сириските деца и опасната средина во која тие живеат.
Инаку фотографиите се појавија откако 50 цивили беа убиени во воздушните напади во северна Сирија, а поголемиот дел од нив беа жени и деца.
