Англиската фудбалска икона Дејвид Бекам тргна по стапките на неговата сопруга Викторија Бекам и лансираше сопствена козметичка линија во соработка со компанијата L’Oreal.
На поранешниот фудбалер изгледа не му беше доволно да биде сопруг на позната и успешна дизајнерка, па реши и самиот да даде придонес на модниот свет.
Козметичката линија на Бекам го носи името House 99, а се состои од разни препарати кои му се потребни на секој маж, како што се крема за бричење, масло за брада и креми за лице. Посебен производ во колекцијата е гелот за одржување на тетоважи, кој Бекам посебно го обожава.
„Не е доволно да се одржувате за да изгледате добро, многу е важно и како се чувстувате. Јас сакам кога чувствувам удобно и пробувам нови работи“, рече тој за време на промоцијата на House 99.
Името на линијата е многу симболично за Дејвид Бекам. Бројот 99 ја означува годината во која Дејвид се ожени со Викторија, го доби синот Бруклин и ја освои култната тројна круна со тимот на Манчестер Јунајтед.