Само неколку дена откако познатиот рапер Кање Вест соопшти дека планира да се кандидира за претседател на САД, се јави и Кралот на Instagram.
Ден Билзеријан, кој се прослави како играч на покер и е злогласен поради неговиот бурен живот и шовинистичко однесување, сака да си ја проба среќата и во политика.
Билзеријан (38) ја соопшти необичната вест на еден боксерски меч, но не навлезе во детали околу тоа какви би биле неговите ставови и евентуална политика.
На прашањето како ќе ја коментира најавата на Вест дека сака да се кандидира на изборите во 2024 година, поранешниот професионален играч на покер за TMZ изјави:
„Подобар е од Хилари. Мислам дека противкандидат ќе му бидам јас. Ќе видиме.“
Билзеријан, самопрогласениот Крал на Instagram, има 29 милиони следбеници на оваа социјална мрежа со кои го споделува неговиот луксузен начин на живот.
Често е критикуван за начинот на кој се однесува кон жените и бил прозиван за нехумано однесување со животни.
