Американската пејачка Џенет Џексон се обрати до обожавателите преку видеопорака на нејзиниот профил на Twitter во која зборуваше за нејзиното семејство и за враќањето на музичката сцена.
„Здраво дечки, јас сум, Џен, во случај да не ме препознавате бидејќи се здебелив откако се породив. Благодарна сум на бога за бебето, толку е здраво, убаво, слатко и среќно“, рече пејачката.
Таа исто така официјално потврди дека се развела од сопругот, бизнисменот Висам ал Мана, со кој пред три месеци го доби синот Еис.
„Сакам да бидам искрена со вас. Се разделивме со сопругот. Случајот уште е во суд, другото останува во божји раце“, рече таа.
Џексон исто така најави дека ќе продолжи со турнејата Unbreakable што ја преименува во The State of the World Tour.
„Нема врска со политика. Се работи за луѓето, за светот, за врските и едноставно, за љубовта“, вели Џексон за турнејата што ќе ја продолжи во септември годинава.
