Актерката Џесика Алба откри како таа и ќерка ѝ оделе на терапија. Признала дека одењето на разговори ѝ го спасило семејството.
Алба се појави на насловната страница на списанието Real Simple за јануари и февруари и реши да зборува за менталното здравје на своето семејство.
„Хонор веројатно имаше 11 години и цело време се каравме за глупави работи. А јас реков: Не сакам да живеам вака. Ова не е забавно“, рече актерката.
Таа објасни дека ќерка ѝ Хонор секој нејзин збор го сфаќала како причина за тепачка, па решила да побара стручна помош. Ова би објаснило дека таа не сака да ја контролира. „Она што ѝ го реков на Хонор беше: 'Сакам да бидам подобар родител за тебе и ова е твоето место да зборуваш за сè што правам што ти ги нарушува нервите'“, вели Алба.
По неколку посети кај терапевтот, сфатиле како тоа навистина им помага. „Тоа ѝ даде мала перспектива – дека не сум негативец, јас сум само родител“, рече Алба додавајќи дека терапевтот ѝ помогнал на ќерка ѝ да разбере дека таа не прави ништо лошо и дека децата не секогаш се согласуваат со родителите.
Медиумите потсетуваат дека убавата актерка во 2004 година се омажи за продуцентот Кеш Ворен, со кој се запозна на снимањето на научно-фантастичниот спектакл „Fantastic Four“. Заедно имаат три деца, ќерките Хонор Мeри и Хевен Гарнер и синот Хејс.