Државната изборна комисија ќе ја почне теренската проверка на 100.436 записи кои произлегоа од вкрстената проверка на податоците во рамки на прочистувањето на Избирачкиот список, кон крајот на неделава.
Теренската проверка ќе ја вршат 374 овластени анкетари, а нивни контролори ќе бидат раководителите на подрачните единици на ДИК, соопшти Љупка Гугучевска, советник во ДИК, на денешната прес-конференција.
Пасивно набљудување на целиот процес ќе може да вршат претставници на четирите најголеми политички партии.
ДИК објави дека ќе реализира медиумска кампања „Отворени врати“ и ги повика граѓаните да учествуваат во проверката која треба да овозможи, како што беше посочено, веродостоен Избирачки список.
