Директорот на Централната разузнавачка агенција - ЦИА, Џон Бренан, изменуван од администрацијата на американскиот претседател на заминување Барак Обама, му порача во неделата на новоизбраниот претседател Доналд Трамп кој следниот петок ја презема должноста - да внимава што зборува и му советуваше на Русија лесно да не ѝ го прости наводното мешање во ноемвриските претседателски избори.
Џон Бренан во интервјуто за американската телевизиска мрежа Fox News изјави дека Доналд Трамп, откако ќе ја положи заклетвата, мора да биде внимателeн кога дава изјави, алудирајќи на неговите коментари на Twitter.
„Спонтаноста не е нешто што ја штити националната безбедност и затоа, кога зборува или реагира, мора да знае дека тоа може да има сериозни последици врз САД. Тука не станува збор само за господинот Трамп, се работи за САД, рече директорот на американска разузнавачка агенција.
Трамп минатата седмица повторно ја обвини разузнавачката заедница дека во јавноста објавила информации како наводно Русија собирала компромитирачки материјали против него. На Twitter напиша дека однесувањето на тајните служби потсетува на нацистичка Германија.
„Изедначувањето на разузнавачката заедница со нацистичка Германија е нечуено“ - реагираше Бренан.
Разузнавачките служби во извештајот кој им го претставиле на претседателот во заминување и на неговиот наследник, заклучиле дека Русија наводно со хакирања и други средства влијаела врз исходот од претседателските избори на 8-ми ноември во полза на Трамп.