Генералниот директор на „Македонски железници – Транспорт“, Никола Костов, поднесе оставка на функцијата, откако една недела вработените се во штрајк поради неисплатени плати.
Поради штрајкот, патничкиот и товарниот железнички сообраќај во Македонија шест дена е во прекин.
Владата одлучи да ѝ исплати директна помош од 70 милиони денари на компанијата, за непречено функционирање и за надминување на проблемите, но железничарите велат сè уште не добиле пари.
Порачаа дека штрајкот ќе го прекинат кога во целост ќе се исплати јануарската плата.
Костов на оваа функција беше две години. За директор беше назначен во февруари 2015 година.
