Disney го објави првиот трејлер за „Frozen 2“

Кога Disney го промовираше анимираниот филм „Frozen“, веројатно не ни претпоставуваше дека тој ќе стане глобален феномен и еден од најпопуларните филмови на деценијата. Сега, новото продолжение на овој филм има навистина високи очекувања, но трејлерот ветува добар и забавен втор дел.

Првиот дел го освои Оскарот за Најдобар анимиран филм, а „Frozen 2“ уште отсега изгледа како сериозен конкурент за истата награда. Режисерското дуо составено од Џенифер Ли и Крис Бак се враќа во ова продолжение, а покрај нив тука е и актерската екипа од Идина Мензел, Кристен Бел, Џонатан Гроф и Џош Гад.

Премиерата на „Frozen 2“ е закажана за 22 ноември 2019 година.