Зарем мислевте дека Disney ќе ве остават да чекате нови продолженија од сагата „Star Wars“ цели 10 години, како минатиот пат? Покрај сите останати новитети, компанијата денеска најави три нови филмови од најпопуларната франшиза во поп-културата.
Почнувајќи од 2022 година, секој втор декември ќе добиваме ново продолжение од „Star Wars“. Во годините помеѓу двата филма, во декември ќе излегуваа нови филмови од франшизата „Avatar“.
Disney објави долга листа на филмови кои компанијата ќе ги продуцира во наредните четири години. Помеѓу најпопуларните наслови се најдоа наслови како „Indiana Jones“, играна верзија на „Mulan“, потоа продолженија од филмскиот универзум на Marvel и „X-Men“ (двете франшизи се во сопственост на Disney), како и нови филмови од популарните серијали „Star Wars“ и „Avatar“.
Неколку нови анимирани филмови од Pixar и Disney се исто така на листата на надоаѓачки проекти кои ќе бидат емитувани во киносалите во 2020, 2021, 2022 и 2023 година. Амбициите и капацитетите на Disney растеа со текот на годините, а со тоа се прошируваше и листата на филмови кои студиото ќе ги продуцира на годишно ниво.
Целосната листа со закажаните идни проекти на Disney можете да ја погледнете ТУКА.