Француската дизајнерка Софи Теале во отворено писмо до јавноста изјави дека никогаш нема да работи за Меланија Трамп, а изјавата охрабри повеќе модни дизајнери да протестираат против расизмот и сексизмот кој Доналд Трам досега го искажа во повеќето изјави и говори за време на претседателската кампања.
Во последните осум години Мишел Обама, досегашната прва дама на САД, стана миленичка на модниот свет. Различни дизајнери работеа на нејзиниот стил, но изгледа дека тоа нема да биде случај и со Меланија Трамп, идната прва дама на земјата.
Француската дизајнерка Софи Теале, која работи во Њујорк, на Twiter објави писмо во кое се заколна дека нема да работи за Меланија. Во писмото вели дека нејзиниот бренд е против дискриминација.
Сепак, не е познато дали Меланија Трамп ќе сака да носи дизајнерска облека во иднина, со оглед на тоа што досега носи облека што сама си ја добрала и купила.