Директорот на Qualcomm за медиумите потврди дека американската компанија продолжи да испорачува чипови на компанијата Huawei.
Стив Моленков за медиумите потврди дека американската забрана за Huawei лошо се одразила и на неговата компанија. Исто така, тој потврди дека компанијата Qualcomm е во интензивни преговори за да осигура континуирана испорака на компоненти и чипови за потребите на најголемиот кинески производител на мобилни телефони. Но, тој не прецизираше на колкав период, ниту кои компоненти се во прашање.
Со оглед на тоа дека Huawei беше принуден да го претстави Мate 30 без лиценциран Android (нема пристап до апликациите на Google Play Store), најавата на компанијата Qualcomm е добра вест и покажува дека Америка сфати дека оваа ситуација им штети и на двете страни.
Компанијата Huawei најави дека сака да продолжи да го користи Android но, ќе продолжи да инвестира во Huawei Mobile Services.
