По сомнително евтиниот индиски смартфон Freedom 251, чија цена беше само 3 евра, од Индија сега ќе дојде и најевтиниот Android паметен телефон кој ќе чини само 13,3 долари.
И покрај скандалот кој беше откриен во март, Docoss X1 доаѓа како наследник Freedom 251, а двата модела се на компанијата од Индија која во своето портфолио нема ништо друго освен овие два уреди.
Место стандардната продажба, корисниците можат да го нарачаат телефонот преку сајтот на компанијата или преку SMS порака, а според најавите, компанијата ќе почне да го испорачува од 2 мај, пишува Mashable.
Освен 3G поддршката, дуал-Sim смартфонот има хардвер и технологија која е застарена. Станува збор за процесор со две јадра Cortex-A7 со 1,3GHz кој работи на Android KitKat 4.4 и има 1GB RAM. Уредот има капацитет од 4GB интерна меморија која може да се зголеми до 32GB преку microSD картичка.
Docoss X1 има две камери, предната VGA и задната со 2 мегапиксели, како и IPS екран од 4 инчи. Батеријата има капацитет од 1.300mAh.
