Тренерот на ЛА Клиперс Док Риверс, изминатата ноќ во дуелот со градскиот ривакл ЛА Лејкерс, ја забележа 800-та победа во кариерата. Покрај Клиперси триумфи запишаа Портланд, Чикаго, Сакраменто и Бруклин.
Клиперси, предводени од Блејк Грифин кој постигна 39 и Крис Пол кој уфрли 29 поени, лесно се справија со Лејкерси со 115:104.
„Го сакам овој тим. Кога сите се здрави играме многу добро, особено кога се работи за големи натпревари“, изјавил Док Ривер, кој ја запиша 800-та победа во тренерската кариера.
Портланд се зацврсти на позицијата број 8 во Западната конференција, откако славеше над Феникс со 130:117. Демијан Лиллард со 31 и Си-Џеј Мекалум со 26 поени го предводеа Портланд до шестата последовна победа, деветта на последните десет натпревари.
Највозбудливиот меч го одиграа Чикаго и Атланта, Булси славеа со 106:104. Натпреварот го реши Џими Батлер кој во финишот погоди тројка за 102:102, а потоа и реализира две слободни фрлања за победа на Чикаго.
Батлер беше најефикасен играч на меќот со 33 поени, додека Режон Рондо постигна 25 кошеви. Атланта ја предводеше Денис Шредер со 29 поени.
Бруклин го победи Орландо со 121:111, во натпревар во кој најефикасни беа центрите на двата тима. Брук Лопез за домаќинот постигна 30 поени, додека кај Орландо Никола Миротиќ имаше учинок од 27 поени и 11 скокови.