На YouTube е објавено застрашувачко видео снимено на плажа во Франција, за време на бура. Во видеото можеме да видиме како постар брачен пар е зафатен од брановите, додека трет човек се обидува да ги спаси. Но, на крајот тројцата се во опасност.
Според британскиот Telegraph, за среќа сите луѓе се спасени од Ерик Рудо, кој побарал помош за да ги спаси луѓето. На новинарите им кажал дека луѓето биле во вода повеќе од 10 минути пред да бидат однесени на безбедно место.
Сите тројца биле однесени во болница по инцидентот, а повредите не биле сериозни.
„Инцидентот од ова видео покажува колкава е моќта на морето. Еден кубен метар води тежи еден тон, така што не е потребно многу за водата да ве однесе“, вели Кит Колвел од Royal National Lifeboat Institution.
Тој советува во вакви слични ситуации да не се прави обид за спасување.
„Не влегувајте во вода ако видите слична ситуација, постои опасност водата да ве однесе. Повикајте помош, полиција или слично, објаснете ја ситуацијата и кажете колку луѓе се во водата, а тие ќе организираат мисија за спасување“, советува Кит.