Легендарниот фудбалер од Брегот на Слоновата Коска, Дидие Дрогба е пред потпишување на едногодишен договор со бразилскиот Коринтијанс.
Одличниот напаѓач по заминувањето од Монтреал Импакт е слободен играч, а го избрал Коринтијанс иако имал неколку примамливи понуди.
Во меѓувреме, протекоа деталите од договорот, односно ставките кои Дрогба ги барал за да потпише.
Освен месечната плата од 120.000 долари, Коринтијанс ќе му плаќа 21.000 долари за изнајмена куќа во мирна населба.
Најинтерсниот детал од договорот е автомобилот кој ќе го добие, а се работи за блиндиран SUV.
Ќе има и професионален преведувач, но и шест луксузни авионски карти за Европа, за да може да ги посетува пријателите кога ќе посака.
