Непознат сторител рано утринава извршил напад со дронови врз најголемото најфтено поле во светот, Saudi Aramco, каде во огромен оган горат две нафтени постројки.
Државната агенција Saudi Press Agency пренесе дека дронови предизвикале огромен пожар во рафинерирата близу градот Абкаик, која важи за најголемата рафинерија во светот.
Саудиска Арабија веќе некое време го обвинува Иран дека ги вооружува со дронови Хути бунтовниците во Јемен поттикнувајќи ги да вршат напади долж јеменско-саудиската граница.
Саудијците уште од 2015 предводат воена кампања во Јемен поддржувајќи го претседателот Абдрабух Мансур Хади во граѓанската војна против Хутите.
Се претпоставува дека нападот со дронови врз рафинеријата е дело токму на јеменските Хути.