Концепти

Дубаи 2030: Концепт на суперавтомобил за копно и за вода

21. јануари 2019 - 15:57 | Б.С.Б.

Дизајнерот Беи Чен Нан изработи концепт на амфибиски автомобил Amphi-X кој претставува хибрид на суперавтомобили како Bugatti Veyron и суперподморница. Иако станува збор за дипломска работа на студии за индустриски дизајн на Универзитетот Монаш во Мелбурн, тој веќе собра голем број награди.

Меѓу нив е и наградата на Toyota за најдобар концептуален дизајн на автомобил, наменет за футуристичкиот проект Dubai 2030. Ако еден ден се изгради, возилото ќе има електричен погон.

Дизајнерот замислил во него да има кабина за четворица патници и да се изгради од карбон влакна и алуминиум. Би требало да вози од 418 километри на час на копно и 145 километри на час во вода. Неговата изградба би чинела повеќе од 2,5 милиони долари.

Коментирај