Зимата пристигна, а загадувањето речиси низ целата држава е над дозволеното. Се формира чад од смог којшто го отежнува дишењето и нормалното функционирање на организмот. Во истражување спроведено во САД во 2012 година било утврдено дека луѓето кои живеат во подрачја со загаден воздух имаат за 10% поголеми шанси да доживеат инфаркт.
Загадувањето на воздухот често се поврзува и со зголемен ризик за кардиоваскуларни заболувања.
Научниците направија ново истражување во кое испитуваа колкав е процентот на штетните честички во крвта на студенти кои престојуваа шест недели во Кина. Тие отпатувале од Лос Анџелес во Пекинг на летни студии.
Тие резултати ги потврдуваат доказите дека исто како што загадениот воздух влијае на здравјето на срцето на животните, исто така влијае и на луѓето.
Во резултатите од урината на испитаниците, бил зголемен бројот на метаболити, пишуваат авторите на студијата во списанието Circulation.
Загадениот воздух е сериозен проблем и во Кина, држава во која загадениот воздух влијае на кардиоваскуларното здравје на 1,4 милијарди жители.
Луѓето коишто живеат во подрачје со загаден воздух имаат 10 проценти поголема можност да доживеат инфаркт.
Во истражувањето беа опфатени 26 непушачи, здрави студенти на просечна возраст од 24 години. Тие оставиле примерок од крв и урина пред да го напуштат Лос Анџелес, а потоа направиле крвна слика откако се вратиле.
За време на нивниот престој во Пекинг, загадувањето било за 371 процент поголемо отколку во Лос Анџелес, па примероците од нивната урина покажале дека концентрацијата на честичките во нивниот крвоток пораснала од 176 на 800 проценти.
Активноста на ензимот кој го поттикнува создавањето на здравиот холестерол била успорена, се наведува во истражувањето.
„Шест седмици престој во Пекинг на загаден воздух, ги зголеми биомаркерите за кардиоваскуларни заболувања и развој на атеросклероза“, се наведува во студијата.
