Филипинскиот претседател Родриго Дутерте изјави дека жали за вербалниот напад над американскиот претседател Барак Обама, што предизвика средбата меѓу двајцата државници планирана за текот на оваа недела во Лаос да биде откажана, пишува CNN.
Дутерте, кој вчера го нарече Обама „кучкин син“, во пишана изјава порача дека „жали поради личниот напад врз американскиот претседател“.
„Се надеваме дека ќе ги надминеме разликите кои настанаа поради националните приоритети и перцепции“.
Претходно од Вашингон соопштија дека Обама ќе разговара со Дутерте околу тоа како филипинските власти се справуваат со дилерите на дрога во земјата, вклучувајќи ги и егзекуциите кои филипинската влада ги направила без судски постапки.
„Кој се замислува дека е тој? Јас не сум американска марионета. Јас сум претседател на суверена земја и не сум одговорен пред никого, освен пред филипинскиот народ. Кучкин сине, ќе те пцујам на Форумот“, беше изјавата на Дутерте упатена кон Обама.
Двајцата претседатели требаше да се сретнат неделава на Форумот во Лаос, каде Обама присустуваше на состанокот на лидерите од Југоисточна Азија. Според портпаролот на Дутерте, пак, „заеднички било договорено средбата да се одложи за некој понатамошен датум“.