Еден заменик шериф и еден припадник на канцеларијата на шерифот се убиени во престрелка во ресторан во градот Абигдон, 30-ина километри североисточно од Балтимор, во сојузната американска држава Мериленд, соопштија локалните власти и сведоци.
Според шерифот на округот, еден од претставниците на канцеларијата на шерифот бил застрелан во преполниот ресторан „Panera“, во средата попладне по локално време, каде што дошол по дојава за инцидент, предизвикан од неидентификуван маж. Смртно ранувајќи го полицискиот службеник, стрелецот успеал да побегне.
Подоцна тој бил пресретнат од други полициски службеници во близина на трговскиот центар во кој се наоѓал ресторанот, започнала престрелка во која тешко бил ранет уште еден полицаец, а подоцна починал во болница. Двајцата полицајци се ветерани, со 30 и 16 години служба.
Во престрелката е усмртен и напаѓачот, кого полицијата го . Напаѓачот е идентификуван подоцна како 67-годишниот Дејвид Брајан Еванс. Засега нема сознанија за мотивот за инцидентот.