Паралелно со претставувањето на новата генерација на Fiesta, Ford за европските купувачи подготви и две специјални верзии на моделот Mustang. Станува збор за Black Shadow Edition и Blue Edition што Ford ќе ги понуди само за европските купувачи.
Black Shadow ќе биде достапнен само за моделот Mustang GT кој има 5.0 литарски V8 мотор со 440 коњски сили, а Ford нуди четири бои за каросеријата (бела, жолта, црвена и сина). Една од разликите на оваа верзија се големите црни 19 инчни тркала, црното Mustang лого, црните детали на каросеријата, како и испакнатината на поклопецот за моторот.
Црната боја доминира во внатрешноста на автомобилот, а дел од богатата стандардна опрема се и врвниот ShakerPro аудио систем со 12 звучници, и последната генерација на мултимедијалниот систем SYNC3 со 8 инчен екран.
Со опцијата Blue Edition, Ford оддава почит на својата легендарна сина боја која на Mustang за прв пат се појави во 1969 година.
Покрај на Mustang GT, оваа боја ќе се најде и на послабиот модел кој има 2,3 литарски четири цилиндарски турбо бензински мотор кој испорачува 317 коњски сили. Овој модел, како што сугерира името, ќе биде достапен само во сина боја, а ќе има посебни 19 инчни тркала, и црна линија преку поклопецот на моторот и каросеријата.
Двете верзии на пазарот треба да се појават до крајот на годината.
