Рецептот воопшто не е комплициран, вкусот е домашен, а аромата светска. Доколку сте љубители на ароматична храна, ви предложуваме да го направите овој едноставен рецепт за индиски кари со пилешко.
Потребни состојки:
- 400 гр пилешко филе
- главица кромид
- 2 парчиња лук
- кари во прав
- црн бибер
- конзерва пелат од домати
- павлака за готвење
Подготовка:
Исечкајте го пилешкото на коцки и пржете во тава додека не се зацрвени, па додадете ги исечканиот кромид и лук. Зачинете со две лажици кари, пржете „на суво“ само една минута, а потоа додадете го пелатот од домати и оставете да се крчка 5 минути. Додадете ја павлаката и тоа количински по желба, така што сосот да биде благ, а да ја задржи портокаловата боја. Зачинете добро со црн бибер и сервирајте со варен ориз.