Цела Португалија помина цели четири дена на струја произведена исклучиво од обновливи извори на енергија и без штетни емисии на гасови.
Откако ги анализирале сите податоци, службите објавија дека во периодот од 7 мај во 6.45 часот, па се до 11 мај во 17.45 часот, цела Португалија користела енергија произведена исклучиво од обновливи извори.
До пред само неколку години Португалија во целост зависеше од фосилните горива и беше еден од најголемите производители на CO2 во Европа. Државата постојано инвестира и се труди во иднина да биде држава која користи само обновливи извори на енергија.
Во 2013 година, оваа држава од ветерот произведувала 7,5 проценти од електричната енергија, додека минатата година таа бројка надмина 22 проценти. Од соларната енергија, енергијата од ветерот и од водата, Португалија во 2015 година произведе половина од потребната струја.