Посетител на Националниот парк за див свет Кругер во Јужна Африка забележа албино слонче со неговото семејство.
Ники Керце ја овековечи оваа несекојдневна глетка во фотографии. Не е тешко да го забележите слончето со светлорозова кожа меѓу неговото семејство од видот сиви африкански слонови.
Доктор Ијан Вајт, специјалист за големи тревопасни животни во паркот Кругер, изјави дека е можно да се раѓаат и повеќе албино животни, но ние да не знаеме за нив бидејќи повеќето не преживуваат.
За жал, албино животните во дивината се лесна цел за предатори бидејќи се издвојуваат од средината и другите животни, па им е тешко да се вклопат. Некои видови животни ги одбиваат од семејството албино роднините.
Се чини дека ова слонче нема таков проблем, бидејќи од фотографиите може да се заклучи дека добро се вклопува во неговото стадо.