Компанијата за електрични возила Tesla на бизнис могулот Елон Маск сега нуди поевтина верзија на веќе најевтиниот автомобил во својата понуда – Model 3.
Маск ја најави новата верзија преку твит и рече дека се работи за „поевтина Tesla Model 3 со среден капацитет “. Новата верзија ќе има почетна цена од 45.000 долари. Претходно, најевтиниот автомобил на Tesla имаше почетна цена од 49.000 долари.
Со едно полнење на батеријата со среден капацитет ќе може да поминете 419 километри. Капацитетот на батеријата е она што ја одредува цената на автомобилот. Оние со голем капацитет овозможуваат непрекинато возење од 499 километри.
Клиентите кои ќе купат електричен автомобил на Tesla до 31 декември ќе можат да се квалификуваат за даночен одбиток од 7.500 долари.
Tesla се соочува со многу проблеми во изминатиов период, главно поради однесувањето на Маск, па од управниот одбор се обидуваат да ја вратат довербата на инвеститорите и да ги убедат дека компанијата ќе биде профитабилна во третиот и четвртиот квартал од годинава.