Американскиот рапер, Еминем, деветти пат по ред, благодарение на својот нов албум „Kamikaze“, се најде на првата позиција на британската листа на најуспешни албуми, па на тој начин ги надмина музичките великани АББА и Лед Цепелин.
„Дали ова значи дека од сега можам да се викам Сер Еминем?“, се запраша 45-годишниот музичар од Детроит, кога од британскатата дискографска индустрија му беше соопштена оваа вест.
Еминем, досега заедно со шведските поп ѕвезди и легендарните британски рокери, беше израмнет со осум последователни албуми на позицијата број еден, а сега успеа да оствари историски успех.
Лед Цепелин овој успех го остварија уште во далечната 1979 година, додека на групата АББА тоа им успеа три години подоцна, поточно во 1982 година.
Претпоследниот албум на Еминем под назив „Revival“, беше објавен минатата година. Тој доби многу негативни критики, но сеедно се искачи на првата позиција, кога е успехот на британските албуми во прашање.
На големо изненадување на сите негови обожаватели, само осум месеци после споменатиот албум, славниот рапер објави уште еден албум - „Kamikaze“. И го повтори успехот во Британија, деветти пат по ред.
Еминем во својот нов албум повторно ги обработува своите омилени теми: Зборува за критичарите, колегите од музичкиот свет, како и за американскиот претседател Доналд Трамп.
„Да се објават девет успешни албуми е достигнување кое зборува само за себе, но да се биде број еден со секој од нив, и тоа последователно, во период од 18 години, тоа е нешто феноменално“, изјави Мартин Талбот, извршен директор на компанијата која ја води официјалната британска листа на музички албуми.
Во продолжение преслушајте го новиот албум на Еминем: