Македонија

ЕУ го пролонгира Брегзит до февруари 2020 година

21. октомври 2019 - 8:10 | МИА

Лондон, 21 октомври 2019 (МИА) – Европска Унија ќе го одложи Брегзит до февруари 2020 година ако британскиот премиер Борис Џонсон во текот на неделата не добие поддршка од Парламентот за договорот за излегување на Велика Британија од ЕУ, објави британскиот весник Sunday Times.

– Одложувањето би било со променлив карактер, што значи Британците би можеле да излезат од ЕУ и порано во ноември, декември или јануари, зависно од тоа кога ќе биде ратификуван договорот, наведува Sunday Times.

Според весникот и европските земји нема да донесат одлука за потенцијално одложување додека не проценат дали договорот утре ќе биде изгласан или не во британскиот Парламент.

Британскиот весник наведува дека во случај Џонсон се соочи со сериозни проблеми или пратениците инсистираат на втор референдум, тогаш земјите членки на ЕУ, предводени од Германија ќе бараат подолго одложување.

Британските пратеници во саботата со 322 гласови „за“ и 306 „против“ го пролонгираа гласањето за договорот за Брегзит, поради што Џонсон официјално побара одлагање на излегувањето на Велика Британија од ЕУ, при тоа нагласувајќи дека тој лично е против пролонгирање на Брегзит. 

Коментирај