Еден вид риби речиси целиот свој животен век го поминуваат на сува, покажува едно ново истаржување. Причината за тоа е што копното е побезбедна опција од нивната природна средина. Тие имаат многу непријатели во водата, па спасот го бараат во карпестиот брег на островот Раротонга.
Истражувањето на тимот еволутивни еколози од сиденјскиот универзитет, покажува дека еден вид на риби имаат три пати поголеми шанси да бидат изедени во вода, отколку на карпите покрај водата.
„Се покажа дека водената средина не е баш пријатна за нив, бидејќи многу предатори ги ловат баш овие мали риби. Животот е многу полесен на карпите, каде примарната закана доаѓа од птиците“ - вели шефот на тимот - Тери Орд.
Орд верува дека освен потрага по безбедност во прашање е и нешто друго.
„Мислам дека во прашање е процес на иселување од морето и колонизирање на брегот“ - вели Орд.
Иако рибите немаат нозе, тие многу добро се движат по карпите, со скокање од карпа на карпа.
