УЕФА и ФИФА постапиле спротивно на Законот за натпреварување кога пред две години ја забранија Суперлигата, одлучи денеска Судот за правда на Европската Унија.
Пресудата не значи дека повторно ќе се формира Суперлига, туку само дека во иднина треба да се дозволи нејзино формирање.
Челниците на моќните клубови Реал Мадрид, Барселона и Јувентус, како основачи на Суперлигата, ја тужеа УЕФА за конфликт на интереси и тврдеа дека чадор фудбалските организации имаат незаконски монопол на организацијата на сите фудбалски натпреварувања.
Проектот Суперлига може да добие ново засилување по оваа одлука на Судот, додека Барселона и Реал можат да добијат по милијарда евра судска отштета.
Да потсетиме, Суперлигата беше замислена како натпреварување на најсилните фудбалски клубови во Европа, а при нејзиното основање наводно биле контактирани околу 60 клубови кои би можеле да учествуваат во неа.
Дваесетина од нив ќе се натпреваруваа во прва лига, но проектот брзо беше замолчен со жестоката реакција на УЕФА, која се закани со санкции.
И навивачите протестираа бидејќи им беше незамисливо дека постои независна лига во која клубовите не можат да испаѓаат или да влезат во неа.
