Facebook тврди дека го отстраниле багот во своите апликации, што ја празнеше батеријата на Android уредите. Корисниците подолго време се жалеа дека апликациите на Facebook и на Messenger ја празнат батеријата на смартфонот дури и кога не се активни.
Давид Маркус, заменик претседателот за комуникациските производи на Facebook го призна проблемот на Twitter и изјави дека е отстране на Messenger. Сепак, тој не изјави дали проблемот е отстранет и од главната Facebook апликација.
Багот бил поврзан со серверите на Facebook, па нема да има потреба од инсталирање на нова верзија на апликацијата. Доволно е само да се рестартира постоечката ако корисникот забележи проблеми.
