Twitter и Facebook потврдија дека постои можност дека се компромитирани лични податоци на милиони корисници.
Компромитираните податоци вклучуваат имиња, пол, имејл адреси, кориснички имиња. Овие податоци се загрозени поради злонамерниот софтвер од трета страна.
За што станува збор?
Компаниите неодамна добиле известување за злонамерната алатка за развој на мобилниот софтвер (SDK) со назив One Audience која на девелоперите на апликацијата им овозможува да имаат пристап до лични податоци.
Меѓу тие апликации се Giant Square и Photfy.
На овој начин девелепорите можат да ја преземат контролата над нечиј профил на Twitter, но се докажа дека досега немаат таква информација од некој корисник.
Twitter соопшти дека ќе ги информира корисниците чиишто податоци се загрозени, а ги информираше и компаниите Google и Apple за овој безбедносен пропуст.