Во текот на минатите неколку месеци, Facebook беше мета на критичарите кои сметаат дека популарната социјална мрежа, премногу лесно ги цензурира содржините кои не одговараат на нивните стандарди. Фотографиите и видеата кои прикажуваат насилство и голотија, без оглед на контекстот, инстантно беа отстранувани од мрежата.
Сега Facebook најавува дека ќе ја смени својата строга политика и ќе овозможи објавување такви материјали, но само ако се важни објави.
Една од ситуациите што поттикна засилување на критиките беше отстранувањето на фотографија од втората светска војна наградена со Пулицер. Мрежата исто така го отстрани и видеото кое служи за подигнување на свеста за ракот бидејќи прикажува два жолти кругови како гради. Со оглед на тоа дека ниту огласувачите, ниту корисниците не се премногу среќни за ваквата политика на мрежата, изгледа дека ригидниот став конечно ќе биде омекнат.
Facebook сега објави дека ќе допушти повеќе експлицитни содржини, кои инаку би биле отстранети, но само под услов да ги задоволува критериумите за „вредност на објава или пак да се важни за јавноста“.
Компанијата не објави никакви детали за тоа кој точно ќе се грижи за таквите параметри, но ветија дека ќе соработуваат со различните државни тела, новинарите, издавачите и другите експерти за да не се случува да биде цензуриран општествено важен материјал.