Оваа година беше пеколна за Facebook, полека се открија голем дел од проблемите со приватноста и социјалната мрежа ја изгуби довербата кај многу корисници. Последниот откриен баг се однесува на системот за фотографии на Facebook, кој во последниот период ги загрозил податоците на преку 6,8 милиони корисници.
Се претпоставува дека на скоро 7 милиони корисници им била нарушена приватноста со тоа што Facebook им дозволил пристап на независните апликации до нивните фотографии кои корисниците ги отвориле преку Facebook, но никогаш не ги објавиле.
„Ако некој реши да објави фотографија на Facebook но не го заврши објавувањето, ние ја зачувуваме фотографијата за кога корисникот ќе се врати, да ја продолжи неговата работа од онаму каде што застанал“, вели инжинерскиот директор Томас Бар.
Багот се верува дека погодил преку 6,8 милиони корисници а преку 1.500 апликации имале пристап до нивните фотографии. Овој баг бил активен 12 дена пред да биде отстранет на 25 септември, што значи дека Facebook ги прекршил регулациите кои велат дека секој баг мора да биде забележан и отстранет во рок од 72 часа.
Следната недела девелоперите на Facebook ќе се обидат да утврдат дали се работи за грешка која делувала на нивната апликација, или пак се работи за некој обид за хакирање и злоупотреба на податоците.
Доколку и вие сте биле еден од корисниците, очекувајте порака од Facebook во која ќе ви биде објаснето кои апликации треба да ги избришете за да бидете безбедни.