Facebook наскоро може да направи голема промена во изгледот, па сега News Feed сегментот ќе биде поделен во помали секции со посебна ознака. Тоа значи дека информациите ќе сортираат и ќе бидат поделени според темите, односно Спорт, Вести од светот и слично.
Од Facebook потврдија дека ги тестираат овие промени, но се уште не знаат дали ќе ги воведат наскоро.
„Корисниците ни кажаа дека сакаат повеќе опции и приказни во Facebook News Feed за оние теми што ги интересираат. Тестиравме неколку теми за лицата кои сакаат различни приказни базирани на сите тематски целини“ - велат од компанијата.
Според актуелните опции, ако прочитате некој текст на Facebook, под него ќе се појават многу сугестии или линкови на слична тема. Корисниците ќе имаат опција самите да одберат кој News Feed сакаат да го користат за да стигнат до информациите и вестите од светот на спортот, забавата или технологијата.