30 милиони, 19 години, прво место

Магазинот Венити Фер направи листа на најдобро платените луѓе во Холивуд минатата година. Што мислите, која е најплатената актерка? Не, не е Џулија Робертс. Ниту Анџелина Џоли. Помош: има 19 години!

Ни фактот дека ја „замрзна“ кариерата на некое време после запишувањето факултет за да проба да живее нормален живот не ја спречи Ема Вотсон да се најде на врвот на листата за најплатени актерки.

Младата Британка во 2009. заработи 30 милиони долари, или 3 милиони повеќе од Камерон Дијаз, која се наоѓа на второто место, а по нив на третото место следи Сара Џесика Паркер. Ема моментално студира на универзитет на Роуд Ајленд во САД, а банкарската сметка ја дополнува плус со хонорарот кој го има како заштитно лице на модната куќа Бурбери.

Нејзиниот колефа од серијалот за малиот магионичар Даниел Редклиф уште еднаш го птоврди правилото дека во Холивуд мажите се многу подобро платени, со пласманот на 6. место кај актерите и заработени 41 милион долари. Неговиот успех е поголем ако се знае дека на првите пет места пред него се наоѓаат режисери.

Најплатените мажи во Холивуд во 2009.

1. Мајкл Беј, продуцент/режисер - 125 милиони долари
2. Стивен Спилберг, продуцент/режисер - 85 милиони
3. Роланд Емерик, продуцент/режисер - 70 милиони
4. Џејмс Камерон, продуцент/режисер - 50 милиони
5. Тод Филипс, режисер - 44 милиони
6. Даниел Редклиф, актер - 41 милион
7. Бен Стилер, актер - 40 милиони
8. Том Хенкс, актер - 36 милиони
9. Џ.Џ. Ејбрамс, продуцент/режисер - 36 милиони
10. Џери Брукхајмер, продуцент - 35,5 милиони

Најплатените дами во Холивуд во 2009.

1. Eма Вотсон, актерка - 30 милиони долари
2. Камерон Дијаз, актерка - 27 милиони
3. Сара Џесика Паркер, актерка - 24 милиони
4. Кетрин Хеигл, актерка - 24 милиони
5. Рис Витерспун, актерка - 21 милион
6. Анџелина Џоли, актерка - 21 милион
7. Џенифер Анистон, актерка - 20 милиони
8. Сандра Булок, актерка - 20 милиони
9. Кристен Стјуарт, актерка - 16 милиони

Б.И. | Кајгана